Ölkədə baş verən yol qəzaları can almağa davam edir - VİDEO

Yük maşını marşrut avtobusuna çırpıldı, 1 nəfər öldü. Dəhşətli qəza səhər saatlarında Sabirabadın Bulaqlı kəndi ərazisində baş verib. Nəticədə sərnişinlərinin əksəriyyəti məktəblilər olan avtobusda 11 yaşlı Vüsal Həsənov Hadisə yerindəcə ölüb.

Xəsarət alanlar 9 nəfərində əksəriyyəti məktəblidir. Onlardan 11 yaşlı Rəşad Həsənov, 16 yaşlı Şəmsiyyə Həziyeva, 9 yaşlı Ağamirzə Ağayev, 12 yaşlı Vüsal Əliyev, 11 yaşlı Rüfət Mehdiyev, 14 yaşlı Rəhman Mirzəyev, 17 yaşlı İlham Həziyev, 36 yaşlı Aybəniz Şirməmmədova, 52 yaşlı Vahid Balakişiyev, xəstəxanaya yerləşdirilib. Onlardan üç nəfərə ambulator yardım göstərilib, əksəriyyətinin vəziyyətinin ağır olduğu bildirilir. 3 nəfərinin isə vəziyyəti ağır olduğundan Bakıya göndərilib.

Samuxda da ölümlə nəticələnən yol-nəqliyyat hadisəsi baş verib. 30 yaşlı Əli Hüseynov hərəkətdə olarkən avtomobilin idarəetməsini itirib və avtomobil maneəyə çırpılıb. Sürücü hadisə yerində dünyasını dəyişib. Həmin vaxt ərazidən keçən şəhər sakini Əli Hüseynovu Gəncə Şəhər Təcili Tibbi Yardım Xəstəxanasına gətirib. Məlumata görə, o, xəstəxanaya gətirilərkən artıq keçinmiş vəziyyətdə olub.