Ölümlə nəticələnən yol qəzası baş verib - Ələt qəsəbəsində

Qaradağ rayonunda ölümlə nəticələnən yol-nəqliyyat hadisəsi baş verib. Avtosfer.az xəbər verir ki, bu barədə Daxili İşlər Naziriliyinin (DİN) mətbuat xidməti məlumat yayıb. 

Avqustun 28-də saat 11 radələrində Qaradağ rayonunun Ələt qəsəbəsində Saatlı şəhər sakini Əfqan Mustafayev idarə etdiyi “VAZ-21154” markalı avtomobillə yolu keçən qəsəbə sakini Əliağa Məmmədovu vurub. Piyada hadisə yerində ölüb.

Faktla bağlı Baş İstintaq və Təhqiqat İdarəsi tərəfindən araşdırma aparılır.