Orta yaşlı kişini naməlum avtomobil vurdu - Suraxanıda

Suraxanıda orta yaşlı kişini naməlum avtomobil vurub. Avtosfer.az "Report"a istinadən xəbər verir ki, bir nəfərin xəsarət alması ilə nəticələnən yol-nəqliyyat hadisəsi Qaraçuxur qəsəbəsində baş verib. Belə ki, 1969-cu il təvəllüdlü Məmmədov Mübariz Elman oğlu yolu keçərkən onu minik avtomobili vurub. Hadisəni törədən sürücü məsuliyyətdən yayınmaq üçün ərazidən uzaqlaşıb. Yaralı xəstəxanaya yerləşdirilib. Fakt Suraxanı Rayon Polis İdarəsi tərəfindən araşdırılır.