Ötən gün baş vermiş yol qəzalarında - 4 yaralı

Oktyabrın 18-də Bakıda 2 yol-nəqliyyat hadisəsi baş verib. Bu barədə Avtsofer.az-a Daxili İşlər Nazirliyinin Bakı Şəhər Baş Polis İdarəsinin Dövlət Yol Polisi İdarəsinin ictimai qurumlarla əlaqə bölməsinin rəisi, polis polkovniki Vaqif Əsədov məlumat verib.

Onun sözlərinə görə, həmin yol qəzaları toqquşma nəticəsində baş verib. Hadisə nəticəsində 4 nəfər müxtəlif dərəcəli bədən xəsarətləri alıblar.

Bakı Şəhər Dövlət Yol Polisi İdarəsi havaların qeyri-sabit keçməsi ilə əlaqədar sürücülərə xəbərdarlıq edərək onları şəhərin avtomobil yollarında ehtiyatlı olmağa çağırıb.