Ötən gün yol qəzalarında - 9 ölü, 13 yaralı

Azərbaycanda ötən gün baş verən yol qəzalarının statistikası açıqlanıb. Avtosfer.az xəbər verir ki, bu barədə Baş Dövlət Yol Polisi İdarəsindən APA-ya verilən məlumata görə, ötən gün respublikanın avtomobil yollarında 13 yol-nəqliyyat hadisəsi qeydə alınıb. Nəticədə 9 nəfər ölüb, 13 nəfər xəsarət alıb. Yol qəzalarından ən ağırı İsmayıllı rayonu ərazisində baş verib. Həmin qəzada 7 nəfər ölüb. Ölümlə nəticələnən digər iki yol-nəqliyyat hadisəsi Bakı şəhərində qeydə alınıb.