Ötmənin qadağan olunduğu yerdə qayda pozan sürücü ağır qəza törətdi; öldü – FOTO - VİDEO

Qayda pozan sürücü ağır yol qəzasına səbəb olub. Avtosfer.az xəbər verir ki, Rusiyanın Sverdlovsk vilayətində havanın şaxtalı və qarlı olması səbəbindən Yekaterinburq-Rej-Alapayevsk avtomobil yolunda görünüş məsafəsi aşağı düşüb. Hava şəraitini nəzərə almayan “UAZ-425” markalı maşının sürücüsü yolun “Ötmək qadağandır” hissəsində ötmə əməliyyatını yerinə yetirən zaman əks istiqamətə keçib və qarşıdan gələn “Qazel” markalı yük maşını ilə toqquşub. Zərbənin təsirindən “UAZ” deformasiyaya uğrayıb, “Qazel”in isə yük yeri bir neçə metr kənara düşüb.

Qəza nəticəsində “UAZ”ın sürücüsü ölüb, dörd sərnişi və yük maşınının sürücüsü xəstəxanaya aparılıblar.

Bundan əlavə, qəzanı qeydə alan nəqliyyat vasitəsinə də zərər dəyib.

Sözügedən hadisənin anbaan videosunu təqdim edirik:

Namiq Musayev