Övladını məktəbdən gətirən qadını maşın vurub

Bakının Binəqədi rayonu ərazisində qadını maşın vurub. Avtosfer.az "Report"a istinadən xəbər verir ki, hadisə Biləcəri qəsəbəsinin Mikayıl Mikayılov küçəsində qeydə alınıb. 1990-ci il təvəllüdlü Paşayeva Elnarə Ramiz qızı övladını oxuduğu 301 saylı orta məktəbdən gətirən zaman onu minik avtomobili vurub. Yaralı qadın xəstəxanaya yerləşdirilib. Hadisə barədə Binəqədi Rayon Polis İdarəsinə məlumat verilib.