Pambıqçıların qəzaya düşməsilə bağlı ekspertiza təyin olunub

Oktyabrın 27-də Goranboy rayonunda pambıqçıları daşıyan avtobusun qəzaya uğraması ilə bağlı araşdırmalar davam edir. Avtosfer.az xəbər verir ki, bu barədə Trend-ə Goranboy rayon Polis Şöbəsindən məlumat verilib. Məlumatda bildirilir ki, faktla bağlı avtotexniki ekspertiza təyin edilib: "Hələlik avtotexniki ekspertizanın cavabları məlum olmadığından fakta görə cinayət işi başlanmayıb".

Qeyd edək ki, oktyabrın 27-də axşam saatlarında Goranboy rayonunda fəhlələri pambıq sahəsindən gətirən avtobus rayonun Nadirkənd kəndində körpüdən çaya aşıb. Səhiyyə Nazirliyinin mətbuat xidmətindən bildiriblər ki, hadisə zamanı 25 nəfər xəsarət alıb. Onlardan ikisi Gəncə şəhər Mərkəzi Xəstəxanasına, 23 nəfər isə Goranboy Rayon Mərkəzi Xəstəxanasına yerləşdirilib.