Parklanma yerindən çıxan sürücü özünü sola dönən maşına çırpdı - VİDEO

Bakıda baş verən yol nəqliyyat hadisəsinin videosu anbaan kameraya düşüb. Avtosfer.az xəbər verir ki, hadisə paytaxtın Mehdi Abbasov küçəsində qeydə alınıb. Belə ki, marketin qarşısında dayanan "Mercedes" markalı avtomobilin sürücüsü geriyə hərəkət edərək yoluna düzəlib. O, hərəkətə başlayaraq yolayrıcına doğru irəliləyib. Bu zaman diqqətsizlik edərək sola dönən avtomobilə çırpılıb.

Baş yolda hərəkət edən "Mercedes" markalı avtomobilin sürücüsü parklanma yerindən yola çıxarkən digər sürücüdə yanlış təəssürat yaradıb. Görüntünü qeydə alan sürücü qarşı tərəfin ona yol verəcəyini düşünərək hərəkətə başlayıb. Nəticədə qəza qaçılmaz olub.

Sözügedən videonu təqdim edirik.

Fərid