Paytaxtda 2 piyadanı maşın vurub

Yeni il günü paytaxtın Nizami rayonunda iki ağır yol-nəqliyyat hadisələri baş verib. Avtosfer.az DİN-in saytına istinadən xəbər verir ki, saat 12 radələrində Ağstafa rayon sakini Həsən Qasımov idarə etdiyi "Daevoo" markalı 173 saylı xətt avtobusu ilə yolu keçən Bakı şəhər sakini Nadir Tahirovu vurub. Nəticədə piyada hadisə yerində ölüb. Digər bir yol hadisəsi isə səhər saatlarında baş verib. Bakı şəhər sakini Hüseyn Hüseynov idarə etdiyi "İsuzu" markalı 62 saylı xətt avtobusu ilə həmyerlisi Səlbinaz Məmmədovanı vurub. Piyada hadisə yerində ölüb.

Hər iki hadisə ilə bağlı araşdırma aparılır.

Emin