Paytaxtda idarəetmədən çıxan maşın parklanmış 3 avtomobili bir-birinə vurdu - VİDEO

Paytaxtda baş vermiş zəncirvari qəza anbaan kameraya düşüb.
Avtosfer.az-ın məlumatına görə, hadisə fevralın 5-i saat 00:21 radələrində qeydə alınıb. Videodan göründüyü kimi, hərəkətdə olan avtomobil park edilmiş “Hyundai” markalı maşını vurub. Zərbənin təsirindən avtomobil önündə dayanmış nəqliyyat vasitəsinə çırpılıb və o da öz növbəsində digər maşına dəyib. Hadisə nəticəsində xəsarət alan olmasa da, 4 maşına maddi ziyan dəyib. 
Qeyd edək ki, qəzalı avtomobillər evakuator vasitəsiylə ərazidən uzaqlaşdırılıb. Faktla bağlı araşdırma aparılır. 

Nərmin