Paytaxtda mikroavtobus, Xaçmazda isə "MAN" yanıb

Ötən gecə paytaxtda “Mercedec” markalı mikroavtobus, Xaçmaz rayonunda isə “MAN” markalı yük avtomobili yanıb. Fövqəladə Hallar Nazirliyindən (FHN) Avtosfer.az-a verilən məlumata görə, Bakı şəhəri, Nizami rayonunda “Mercedec” markalı mikroavtobusun salonunda idarəetmə lövhəsi yanıb. Mikroavtobusun qalan hissəsi yanğından mühafizə olunub. Yanğın saat 06:10-da yanğınsöndürənlər tərəfindən söndürülüb. Xaçmaz rayonu, Xaçmaz-Xudat yolunun 4-cü kilometrliyində isə vətəndaşa məxsus “MAN” markalı yük avtomobilinin kabina hissəsi yanıb. Avtomobilin qalan hissəsi yanğından mühafizə olunub. Yanğın saat 06:53-də yanğınsöndürənlər tərəfindən söndürülüb.