Pikap avtobusun salonuna girdi: xəsarət alanlar var – FOTO+VİDEO

ABŞ-ın Sirakuz (Nyu-York ştatı) şəhərində furqon-pikap və sərnişin avtobusunun iştirakı ilə rezonans yaradan yol-nəqliyyat hadisəsi baş verib. Avtosfer.az “telegraf”a istinadən xəbər verir ki, pikap avtobusa dəyərək nəqliyyat vasitəsinin üzlüyünü dəlib və ön təkərləri salona girib. Baş verən bu qorxunc qəza nəticəsində 7 nəfər xəsarət alıb. Furqondakı sərnişin xəstəxanaya yerləşdirilib, sürücüsü isə zərər çəkməyib.

Hüquq mühafizəçilərinin sözlərinə əsasən, furqonun sürücüsü yol kəsişməsində qəzadan yayınmağa çalışıb və buna görə də sola dönüb, yoldan otluq sahəyə çıxıb. Nəticədə qırmızı işıqda dayanmış avtobusla toqquşub.