Piyadanı maşın vurdu - Maştağada

Bakının Sabunçu rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, insident Maştağa qəsəbəsinin Savalan yaşayış massivində qeydə alınıb. Belə ki, 1979-cu il təvəllüdlü Bəyəliyev Sərxan Səxavət oğlu yolu keçmək istəyərkən minik avtomobili tərəfindən vurulub. Yaralı xəstəxanaya çatdırılıb. Faktla bağlı Sabunçu Rayon Polis İdarəsində araşdırma aparılır.