Piyadanı vurub öldürən sürücü yaxalandı - Bakıda

İyunun 18-də saat 10 radələrində paytaxtın Xətai rayonu ərazisində müəyyən edilməmiş avtomobillə yolu keçən 45-50 yaşlı kişi vurulub. Avtosfer.az Daxili İşlər Nazirliyinin mətbuat xidmətinə istinadən xəbər verir ki, həmin şəxs hadisə yerində ölüb. Bakı Şəhər Baş Polis İdarəsinin Təhlükəsiz Şəhər Xidməti əməkdaşları tərəfindən hadisəni törətmiş “Tofaş” markalı avtomobilin sürücüsü, Göyçay rayon sakini Aqil Yusifov müəyyən edilib və Xətai RPİ 35-ci PB əməkdaşları tərəfindən saxlanılıb.

Araşdırma aparılır.

Emin