Piyadanı vurub qaçan sürücü tutuldu - Bərdədə

Bərdə rayonund piyadanı vurub öldürərək hadisə yerindən qaçan sürücü tutulub. Avtosfer.az-ın "Report"a istinadən xəbər verir ki, aprelin 30-da Bərdə şəhəri ərazisində müəyyən edilməmiş avtomobillə yolu keçən şəhər sakini Zabil Məmmədov vurulub və o, hadisə yerində ölüb. Bərdə Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsinin “Ford” markalı avtomobillə törədilməsi müəyyən edilib və avtomobili həmin vaxt idarə etməkdə şübhəli bilinən Ağdam rayon sakini Nofəl İbrahimov saxlanılıb. Faktla bağlı araşdırmalara başlanılıb.