Polis əməkdaşları qəzaya düşdülər - Bakıda

Bakıda polis əməkdaşlarının olduğu avtomobil qəzaya düşüb.

Avtosfer.az report-a istinadən bildirir ki, Qaradağ rayonunun Müşviqabad qəsəbəsində 1987-ci il təvəllüdlü Ruslan Nuriyevin idarə etdiyi "Fiat Doblo" markalı avtomobil Şabran rayon sakini, 1978-ci il təvəllüdlü Rövşən Əzimovun idarə etdiyi "KamAZ" markalı avtomobillə toqquşub.

Nəticədə R.Nuriyev bel nahiyəsindən, onun sərnişini, 1989-cu il təvəllüdlü Elnar Aydınov baş nahiyəsindən xəsarət alıblar.

"Fiat Doblo" markalı avtomobilin sərnişinləri polis serjantlarıdırlar.

Faktla bağlı araşdırma aparılır.