Polis helikopteri qəzaya düşdü: 4 ölü

Braziliyanın Rio-de-Janeyro şəhərində polis helikopterinin qəzaya uğraması nəticəsində 4 asayiş keşikçisi həlak olub.

Avtosfer.az Rusiya mətbuatına istinadən xəbər verir ki, qəzanın dəqiq səbəbi hələlik məlum deyil. Helikopterin atəş nəticəsində qəzaya uğraması versiyası istisna olunmur. İnsidentin təfərrüatları hələlik açıqlanmır.   Qeyd edək ki, son zamanlar Rio-de-Janeyro şəhərində zorakılıq halları pik həddə çatıb. İqtisadi tənəzzül, işsizliyin artması və büdcə kəsiri cinayətkarlığın səviyyəsinin xeyli qalxmasına səbəb olub.