Polisə tabe olmayan “07” sürücüsü maşını divara çırpıb qaçdı - ANBAAN VİDEO

Təqib olunan sürücü qəza törədərək hadisə yerini tərk edib.
Avtosfer.az-ın məlumatına görə, bu barədə görüntü sosial şəbəkədə yayılıb. Hərəkətdə olan “VAZ-2107” markalı avtomobilin sürücüsü yaşayış ərazisindən keçərkən qəzaya səbəb olub. Belə ki, yüksək sürətlə sağa manevr edən sürücü park edilmiş “Khazar” markalı maşını vurur. Ardınca “VAZ”ı divara çırpan sürücü və avtomobildəki sərnişin maşından düşərək qəza yerindən qaçırlar. Bir neçə saniyə sonra onları izləyən post-patrul xidməti maşını əraziyə yaxınlaşır. 
Qeyd edək ki, sürücünün polisə tabe olmadan avtomobili idarə etdiyi bildirilib. 

Nərmin