Polisin 3 yaşlı oğlunu maşın vurdu - Salyanda

Bu gün axşam saatlarında Salyan rayonunun Şorsulu kəndində 3 yaşlı kənd sakini Zabilli Nurlan Ərəstun oğlunu maşın vurub. Avtosfer.az-ın virtualaz.org-a istinadən məlumatına görə, uşaq həmkəndlisi Mahur Hüseynovun idarə etdiyi "VAZ-21011" markalı, dövlət nömrə nişanı 27-xx-440 olan avtomaşınla vurulub. Salyan Mərkəzi Rayon Xəstəxanasından verilən məlumata görə, baş nahiyəsindən xəsarət almış uşağın vəziyyəti ağırdır.

Sayt qeyd edir ki, 3 yaşlı Nurlan Zabillinin atası Salyan Rayon Polis Şöbəsinin Post-Patrul Xidmətinin əməkdaşıdır.

Faktla bağlı Salyan Rayon Polis Şöbəsində cinayət işi qaldırılıb.