"Prado" "Lexus"la toqquşdu; maşınlar bu hala düşdü - DYP-dən AÇIQLAMA - VİDEO

"Bu gün saat 08:27-də paytaxtın Heydər Əliyev prospektində zəncirvari yol-nəqliyyat hadisəsi qeydə alınıb".

Bunu Bakı Şəhər Dövlət Yol Polisi İdarəsinin (BŞDYPİ) baş inspektoru, polis baş leytenantı Rüstəm Əhmədli deyib.

"Baş vermiş zəncirvari yol-nəqliyyat hadisəsi nəticəsində 10-HO-033 dövlət nömrə nişanlı "Lexus", 90-RZ-626 dövlət nömrə nişanlı "Toyota Prado", 99-TY-590 dövlət nömrə nişanlı "Ford Tranzit", 77-CH-735 dövlət nömrə nişanlı "Toyota Prius", 77-BF-279 dövlət nömrə nişanlı "Hyundai Accent" və üstündə xarici BY 279 YB nömrə nişanı olan "Mercedes-Benz" markalı avtomobillər toqquşub. Avtomobillərə ciddi ziyan dəyib, xəsarət alan olmayıb.

Hadisənin hansı səbəbdən baş verməsi ilə bağlı BŞDYPİ-də araşdırma aparılır", - deyə R.Əhmədli bildirib.

(oxu.az)

14:37

***

Bakıda ağır yol-nəqliyyat hadisəsi baş verib.

Avtosfer.az unikal-a istinadən xəbər verir ki, hadisə Heydər Əliyev prospektində qeydə alınıb.

Belə ki, "Toyota Prado" markalı avtomobil "Lexus"la toqquşub. Qəza nəticəsində hər iki avtomobilə ziyan dəyib.