“Prado”ya çırpılan “VAZ” əzik-əzik oldu, yaralılar var - RƏSMİ - VİDEO

Şəmkirdə ağır yol-nəqliyyat hadisəsi baş verib. DİN-in Mətbuat Xidmətinin Gəncə regional qrupunun baş inspektoru Eşqin Qasımov Avtosfer.az-ın sorğusuna cavab olaraq bildirib ki, qəza sentyabrın 9-da səhər saatlarında qeydə alınıb: “Belə ki, hərəkətdə olan 36-BK-166 dövlət nömrə nişanlı “VAZ-2106” markalı maşın,  “Toyota Prado” markalı avtomobillə toqquşub. Nəticədə “VAZ” markalı nəqliyyat vasitəsi yararsız hala düşüb. Hadisə zamanı “VAZ”ın sürücüsü A.Orucov yüngül, avtomobildə olan sərnişin S.Mehtixanova isə orta-ağır dərəcəli bədən xəsarətləri alıb”.

Qeyd edək ki, faktla bağlı Şəmkir Rayon Polis Şöbəsində araşdırma aparılır.

Nərmin