Prospektdə ağır qəza; xəsarət alanlar var - VİDEO - YENİLƏNİB

01.09.2025-ci il tarixində saat 00:30 radələrində Respublika Təcili və Təxirəsalınmaz Tibbi Yardım Mərkəzinə Nəsimi rayonu ərazisində yol-nəqliyyat hadisəsinin baş verməsi səbəbilə çağırış daxil olub. 

Bu barədə TƏBİB-dən məlumat verilib. Bildirilib ki, çağırış əsasında təcili tibbi yardım briqadası ünvana cəlb olunub.

"Hadisə yerində 23 yaşlı (kişi cinsli) şəxsə ilkin tibbi yardım göstərilib və Sabunçu Tibb Mərkəzinə hospitalizasiya olunub. Tibb müəssisəsində müalicəsi davam etdirilən pasiyentə döş qəfəsinin küt travması diaqnozu təyin olunub, vəziyyəti orta ağır qiymətləndirilir", - məlumatda qeyd olunub.(unikal)

***09:18

Gecə saatlarında paytaxtın “20 Yanvar” metrosu yaxınlığında ağır yol-nəqliyyat hadisəsi baş verib. 

Avtosfer.az xəbər verir ki, iki “KamAZ” və dörd minik avtomobilinin iştirakı ilə Ziya Bünyadov prospektindəki tuneldə zəncirvari qəza qeydə alınıb.

Hadisə nəticəsində avtomobillərə ciddi ziyan dəyib. Qəza yerində hərəkət məhdudlaşıb və uzun tıxac yaranıb. İlkin ehtimallara görə, hadisəyə yola tökülən yağ səbəb olub.
Hadisə yerinə dərhal polis və təcili yardım əməkdaşları cəlb olunub.

Eltac Zülfüqaroğlu