Prospektdə ard-arda qayda pozan sürücü sonda qəza törətdi - ANBAAN VİDEO

Paytaxtın Babək prospektində baş verən yol-nəqliyyat hadisəsi avtomobilin kamerası tərəfindən anbaan qeydə alınıb.

Avtosfer.az-ın məlumatına görə, hadisə bir müddət əvvəl səhər saatlarında baş verib.

Görüntülərdən aydın olur ki, 77-JZ-201 dövlət nömrə nişanlı “Chevrolet Damas Van” markalı avtomobilin sürücüsü əvvəlcə sağa doğru kəskin manevr edərək həmin zolaqda hərəkətdə olan nəqliyyat vasitəsini sıxışdırıb.

Daha sonra isə o, öz zolağına qayıdan zaman qarşısında hərəkətdə olan avtomobilə diqqət yetirmədən yoluna davam edib və nəticədə toqquşma baş verib. Zərərçəkmiş sürücünün iddiasına görə, qəzanın əsas səbəbi qarşı tərəfin sükan arxasında mobil telefondan istifadə etməsi olub.

Qeyd edək ki, sükan arxasında mobil telefondan istifadə, məsafənin düzgün saxlanılmaması və tələskən manevrlər təkcə qayda pozuntusu deyil, həm də digər yol hərəkəti iştirakçıları üçün real təhlükə mənbəyidir. Bu kimi halların qarşısının alınması sürücülərin məsuliyyətli davranışından və yol hərəkəti qaydalarına riayət etməsindən birbaşa asılıdır.

Nərmin