Prospektdə qəza: “Mercedes” bordürə dəyərək böyrü üstə aşdı - VİDEO

Heydər Əliyev prospektində yol-nəqliyyat hadisəsi qeydə alınıb.
Avtosfer.az-ın məlumatına görə, hadisə yanvarın 21-i axşam saatlarında baş verib. Belə ki, hərəkətdə olan 99-SS-177 dövlət nömrə nişanlı “Mercedes” markalı avtomobil qəzaya düşüb. İddiaya əsasən, qəzaya səbəb yüksək sürət həddi olub. Nəticədə idarəetmədən çıxan maşın bordürə dəyərək böyrü üstə aşıb.  Hadisə zamanı nəqliyyat vasitəsinə ciddi maddi ziyan dəyib. Sürücü müəyyən bədən xəsarətləri alıb. Həmçinin yolda sıxlıq yaranıb.
Qeyd edək ki, qəza yerinə DYP əməkdaşları cəlb olunub. Faktla bağlı araşdırma davam edir. 

Nərmin