Prospektdə zəncirvari qəza - 4 avtomobil toqquşdu - VİDEO

Paytaxtın Heydər Əliyev prospektində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza dekabrın 25-də saat 10:00 radələrində qeydə alınıb. Belə ki, hərəkətdə olan 10-OL-501 dövlət nömrə nişanlı “Lexus” markalı, 99-QF-627 dövlət nömrə nişanlı “Changan” markalı, “Geely” markalı və 77-KY-808 dövlət nömrə nişanlı “Haval” markalı avtomobillər toqquşub.

İlkin ehtimala əsasən, hadisəyə ara məsafəsinin düzgün saxlanılmaması səbəb olub. Nəticədə hər dörd avtomobilə maddi ziyan dəyib, xəsarət alan olmayıb.

Faktla bağlı araşdırma aparılır.

Nərmin