Qaçırdığı avtomobillə qəza törədib - Bərdədə

Avtomobil qaçırmış Bərdə rayon sakini Nicat Məmmədzadə qəza nəticəsində aldığı xəsarətlərlə xəstəxanaya yerləşdirilib. Avtosfer.az-ın Daxili İşlər Nazirliyinin mətbuat xidmətinə istinadən verdiyi xəbərə görə, fevralın 20-də saat 13 radələrində Bərdə şəhərində şəhər sakini Fəxrəddin İbrahimovun "VAZ-21074" markalı avtomobili qaçırılıb. Bərdə RPŞ əməkdaşlarının həyata keçirdikləri əməliyyat-axtarış tədbirləri nəticəsində avtomobili rayon sakini Nicat Məmmədzadənin qaçırması, idarə edərkən onu ağaca vurması və nəticədə aldığı xəsarətlə xəstəxanaya yerləşdirilməsi müəyyən edilib. RPŞ tərəfindən araşdırma aparılır.