Qaçqın şəhərciyində yol qəzası baş verib: yaralananlar var

Biləsuvarda baş vermiş zəncirvari qəzada yaralanalar var. Hadisə Biləsuvar ərazisində qaçqın şəhərciyi ərazisində qeydə alınıb. Yük maşını sərnişin avtobusu ilə toqquşub, sonra minik avtomobilinə çırpılıb. Nəticədə 2 nəfər müxtəlif dərəcəli bədən xəsarətləri alıb. Yaralılar İmişlinin Aranlı kənd xəstəxanasında ilk tibbi yardım aldıqdan sonra onlar İmişli Rayon Mərkəzi Xəstəxanasına çatdırılıb. Hazırda yaralılara tibbi yardım göstərilir.

Biləsuvar rayonunda baş verən zəncirvari yol qəzasında xəsarət alanların kimlikləri məlum olub. APA-nın verdiyi məlumata görə, xəsarət alanlar Biləsuvarda məskunlaşan Cəbrayil rayon sakinləri, hər ikisi 1977-ci təvəllüdlü Ağayev Azər Heydər oğlu və Qafarov Maşallah Məhəmmədəli oğludur. A.Ağayev açıq kəllə-beyin travması diaqnozu ilə İmişli Rayon Mərkəzi Xəstəxanasının reanimasiya şöbəsinə yerləşdirilib, vəziyyəti nisbətən yüngül olan M.Qafarov travmatologiya şöbəsində müalicə alır.

Faktla bağlı araşdırma aparılır.