Qadağan olunan yerdən keçən qadını maşın vurdu - Bakıda

Bakıda piyadaların hərəkəti üçün qadağan olunan yerdən keçən 30 yaşlı qadını avtomobil vurub. Avtosfer.az "Report"a istinadən xəbər verir ki, hadisə Xəzər rayonu, Qala qəsəbəsində qeydə alınıb. Burada avtomagistral yoldan keçən 1985-ci il təvvəllüdlü Dünyamalıyeva Pərvanə Vaqif qızını avtomobil vurub. Ağır bədən xəsarətləri alan P.Dünyamalıyeva xəstəxanaya çatdırılıb. Onun vəziyyəti ağır olaraq qalır.

Hüquq-mühafizə orqanlarının əməkdaşları faktla bağlı araşdırmalara başlayıb.