Qadın avtobusdan yıxılaraq xəsarət alıb

Gəncədə qadın avtobusdan yıxılaraq xəsarət alıb. Avtosfer.az-ın "Unikal"a istinadən məlumatına görə, hadisə şəhər ərazisində 20 saylı xətt üzrə işləyən avtobusda qeydə alınıb.

Belə ki, Gəncə şəhər sakini 1976-cı il təvəllüdlü N.Huseynova avtobusdan düşmək istəyən zaman yıxılıb.

Xəsarət alan qadın yaxınlıqdakıların köməkliyi ilə xəstəxanaya aparılıb.

Həkimlər tərəfindən tibbi yardım göstərildikdən sonra qadın xəstəxanaya yerləşdirilib.

Onun vəziyyətinin orta-ağır olduğu bildirilir.

Faktla bağlı araşdırma aparılır.