Qadın sürücü ölümlə nəticələnən yol qəzası törədib - Xətaidə

Mayın 13-də saat 12 radələrində Xətai rayonu Zığ yolunda Fərid Əliyevin idarə etdiyi "VAZ-2107" və Bakı şəhər sakini Afaq Əliyevanın idarə etdiyi "Mercedes" markalı avtomobillər toqquşub. Daxili İşlər Nazirliyindən Avtosfer.az-a verilən məlumata görə, nəticədə F.Əliyev hadisə yerində ölüb, A.Əliyeva və sərnişini, atası Nəriman və oğlu Emil xəstəxanaya yerləşdiriliblər. Xətai Rayon Polis İdarəsində Cinayət Məcəlləsinin 263.2-ci maddəsi ilə cinayət işi başlanıb.