Qadın sürücü qəza törətdi, yük maşını aşdı - FOTO

Ucar rayonunda qadın sürücü yol-nəqliyyat hadisəsi törədib. Avtosfer.az APA-ya istinadən xəbər verir ki, hadisə bu gün səhər saatlarında Bakı-Qazax əsas magistral yolunun Ucar rayonun Çini kəndindən keçən hissəsində qeydə alınıb. Xanım sürücünün idarə etdiyi "Nissan" markalı avtomobillə "Qazel" markalı yük maşını toqquşub. Hər iki maşına ciddi ziyan dəyib, "Qazel" markalı avtomobil yoldan çıxaraq aşıb.

Faktla bağlı araşdırma aparılır.