Qadını evinin qarşısında maşın vurdu: sürücü qaçdı - Bakıda

Xətai rayonunda yol-nəqliyyat hadisəsi baş verib. Avtosfer.az musavat.com-a istinadən xəbər verir ki, hadisə Gəncə prospektində qeydə alınıb. 58 yaşlı Yusifova Xalidə Əmrah qızını yaşadığı evin qarşısında naməlum avtomobil vurub. 

Piyada ağır xəsarətlər alıb. Xalidə Yusifova ətrafdakı insanların çağırdığı təcili tibbi yardım avtomobili ilə xəstəxanaya çatdırılıb. Həkimlər onun həyatını xilas edə biliblər. Hadisə barədə polisə məlumat verilib. Sürücünün axtarışları davam edir.