Qadını vuran sürücü saxlanıldı - Bakıda

Bakıda piyadanı vuran avtomobil sürücüsü saxlanılıb. Daxili İşlər Nazirliyindən Avtosfer.az-a verilən məlumata görə, hadisə dekabrın 2-də saat 10 radələrində Nərimanov rayonu ərazisində baş verib. Müəyyən edilməmiş avtomobillə yolu keçən Bakı şəhər sakini Nigar Abdullayeva vurulub. Ona xəstəxanada ilkin tibbi yardım göstərildikdən sonra buraxılıb.

Nərimanov RPİ 16-cı PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən "Ford" markalı avtomobilin sürücüsü, Bakı şəhər sakini Məmmədxan Soltanov saxlanılıb.

Araşdırma aparılır.