Qalada idarəetmədən çıxan “ZİL” aşdı, daşlar yola səpələndi - VİDEO

Paytaxtın Xəzər rayonu, Qala qəsəbəsində yol-nəqliyyat hadisəsi qeydə alınıb.

Avtosfer.az-ın məlumatına görə, qəza dekabrın 24-də axşam saatlarında Xaşaxuna yaşayış massivində baş verib.

Belə ki, daşla dolu “ZİL” markalı yük avtomobili hərəkətdə olarkən aşıb. İlkin iddialara əsasən, hadisəyə sürücünün nəqliyyat vasitəsinə nəzarəti qəfil itirməsi səbəb olub.

Nəticədə yük maşını yararsız hala düşüb, daşlar yolun hərəkət hissəsinə dağılıb. Xoşbəxtlikdən hadisə zamanı xəsarət alan olmayıb.

Əraziyə polis əməkdaşları cəlb olunub, faktla bağlı araşdırma aparılır.

Nərmin