Qarabağ müharibəsi əlili qəza törədib - Ağdaşda

Bakı-Qazax avtomobil yolunda bir nəfərin ölümü ilə nəticələnən avtomobil qəzası baş verib. Avtosfer.az apa-ya istinadən xəbər verir ki, hadisə yolun 258-ci kilometrliyində, Ağdaş və Yevlax rayonları arasında qeydə alınıb. 1970-ci il təvəllüdlü Quliyev Nazim Qiyas oğlunun idarə etdiyi 16-BB-457 dövlət nömrə nişanlı "NAZ Lifan" markalı minik avtomobili yoldan çıxaraq aşıb. Nəticədə sürücü, Qarabağ müharibəsi əlili Nazim Quliyev aldığı xəsarətdən hadisə yerində ölüb. Faktla bağlı Baş Dövlət Yol Polisi İdarəsinin istintaq və təhqiqat şöbəsində araşdırma aparılır.