“Qarabağ”ın qapıçısının törətdiyi qəzada övladı ölən şəxs: “Şikayət etməyəcəm”

Qəza zamanı xəsarət alan Əbdulbağır Bağırovun ayağı sınıb. O, Azərbaycan Tibb Universitetinin Tədris Cərrahiyyə Klinikasının (ATU TCK) Travmatologiya və ortopediya şöbəsinə yerləşdirilib. Ə.Bağırovun həyat yoldaşı Günel Bağırova isə xəstəxanadan evə buraxılıb.

Avtosfer.az xəbər verir ki, bu barədə Ə.Bağırov “Report”un əməkdaşı ilə söhbətində qəzanın necə baş verməsinin yadında olmadığını deyib: “Şokdaydım. Yaxşı ki, digər iki azyaşlı uşağım maşında olmayıb. Ölən 6 aylıq Xalid Bağırov isə sonuncu övladım idi. Qəzanı törədən sürücüdən şikayət etmədim, etməyəcəm də. Çünki hamının başına gələ biləcək işdir”.