Qaradağda gənc oğlanı maşın vurub  

Bakının Qaradağ rayonunda piyadanın xəsarət alması ilə nəticələn yol qəzası baş verib. Avtosfer.az "Report"a istinadən xəbər verir ki, Qobustan qəsəbəsində yolu keçən 1987-ci il təvəllüdlü Abdullayev Rafət Rafiq oğlunu "Mercedes" markalı avtomobil vurub.

Piyada qapalı kəllə-beyin travması alıb. O, "təcili yardım" vasitəsilə xəstəxanaya yerləşdirilib.

Sürücü Qaradağ Rayon Polis İdarəsinin əməkdaşları tərəfindən saxlanılıb.

Faktla bağlı araşdırma aparılır.