Qaradağda qəza: “Mercedes”lə “Hyundai” bir-birinə girdi - VİDEO

Paytaxtın Qaradağ rayonu, Sahil qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza avqustun 22-də səhər saatlarında qeydə alınıb. Belə ki, hərəkətdə olan 99-XY-430 dövlət nömrə nişanlı “Mercedes” markalı maşın, “Hyundai” markalı avtomobillə toqquşub. Şahidlərin iddiasına əsasən, qəzaya səbəb yüksək sürət həddi olub. Nəticədə hər iki nəqliyyat vasitəsinə maddi ziyan dəyib. Xoşbəxtlikdən xəsarət alan olmayıb.

Qeyd edək ki, faktla bağlı araşdırma aparılır.

Nərmin