Qarlı havada yol qəzalarında ölən və yaralananların sayı açıqlanıb

Ötən sutka ərzində Azərbaycan yollarında baş verən qəzalarda 1 nəfər ölüb, 11 nəfər xəsarət alıb. Avtosfer.az xəbər verir ki bu barədə Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev bildirib. K.Əliyev qeyd edib ki, ötən sutka ərzində ölkə yollarında 8 yol-nəqliyyat hadisəsi baş verib. Şöbə rəisi deyib ki, ölümlə nəticələnən yol qəzası Suraxanı rayonu ərazisində baş verib: "Ölkə ərazisində hava şəraitinin qarlı və şaxtalı olması səbəbindən yollarda nəqliyyat vasitələrinin hərəkətində çətinliklər yaranıb. Hazırda küçə və prospektlərin, həmçinin magistral yolların qardan təmizlənməsi işləri aparılır. Nəqliyyatın hərəkəti bərpa olunub".