Qatar iki rikşa-arabasına çırpıldı: 7 ölü

Pakistanda dəmiryol keçidində rikşa-arabasına qatarın çırpılması nəticəsində yeddi məktəbli ölüb. Avtosfer.az Oxu.az-a istinadən xəbər verir ki, hadisə cümə günü səhər saatlarında Pakistanın şimali-şərqində Londhran şəhəri yaxınlığında Pəncab əyalətində baş verib. Polis nümayəndəsi Caved Əhməd bildirib ki, arabaçılar yaxınlaşan qatarın sürətini dumana görə adekvat qiymətləndirə bilməyiblər. Məlumata görə, keçiddə şlaqbaum ilə təchiz edilməyib.

Polisdən bildiriblər ki, hadisə nəticəsində həmçinin 5-8 yaş arası olan uşaqlar və arabaçılardan biri yaralanıb. Onların vəziyyəti kritik qiymətləndirilir.