Qatar qadın və iki uşağını vurub

Rusiya Federasiyası Başqırdıstan Respublikasında yük qatarı qadın və iki uşağını vurub.

Avtosfer.az “lenta.ru” saytına istinadən verdiyi məlumata görə, hadisə Meleuz dəmiryol stansiyası yaxınlığında yanvarın 8-də baş verib.

27 yaşlı qadın hadisə yerində ölüb. 3 və 5 yaşlı iki uşaqlar isə müxtəlif dərəcəli xəsarətlərlə xəstəxanaya yerləşdiriliblər.

Sonradan məlum olub ki, qadın eşitmə və danışma qabiliyyəti olmayan 3-cü qrup əlildir.

Faktla bağlı istintaq öncəsi yoxlama aparılır. Nəticəyə əsasən, cinayət işinin başlanıb-başlanmayacağı qərarı veriləcək.