Qatar və benzindaşıyan maşın toqquşub

Rusiyanın Kaluqa şəhərində qatar və benzindaşıyan maşın toqquşub. Trend-in "İterfaks"a istinadən verdiyi məlumata görə, toqquşma nəticəsində benzindaşıyan maşının sürücüsü xəsarət alıb. Qəza Perpektivnaya stansiyasında baş verib. İlkin məlumata əsasən, benzindaşıyan maşının sürücüsü işıqforun qadağanedici siqnalında dəmiryol keçidinin üzərinə çıxıb. Qəza zamanı qatarda 40 sərnişinin olduğu bildirilir. Faktla bağlı yoxlama aparılır.