Qatar və lokomotiv toqquşdu: xəsarət alanlar var - VİDEO

Ukraynanın Xmelnitsk vilayətində sərnişin qatarı lokomotivlə toqquşub. Hadisə bu gün Neqin dəmiryol stansiyasında baş verib. Avtosfer.az-ın salamnews-a istinadən verdiyi xəbərə görə, platformada əhəng daşının lokomotivə yüklənməsi prosesi aparılırmış. Bu zaman Kiyev-Kamenets-Podolski sərnişin qatarı ilə toqquşma baş verib. Hadisə nəticəsində altı nəfər, o cümlədən üç uşaq xəsarət alıb. Qəzanın baş verdiyi dəmiryol sahəsində qatarların hərəkəti dayandırılıb.