Qatar yoluna çıxan sürücü qəzaya səbəb oldu - ADY-dən AÇIQLAMA - VİDEO

"Gecə saatlarında "Volkswagen" markalı minik avtomobili dəmiryol keçidi ilə bağlı qaydaları pozaraq Hövsan-Yeni Suraxanı sahəsində hərəkət edən yük qatarının qarşısına çıxıb".

Bu barədə "Azərbaycan Dəmir Yolları" QSC-dən məlumat verilib.

Bildirilib ki, maşinistin səs siqnalı verməsi və təcili tormozlama aparmasına baxmayaraq, toqquşma qaçılmaz olub:

"ADY bir daha hərəkət iştirakçılarını kritik təhlükəli zona hesab edilən dəmir yollarını keçərkən son dərəcə diqqətli olmağa, yol hərəkəti qaydalarının tələblərinə əməl etməyə çağırır".

***12:06

Bakının Suraxanı rayonu, Hövsan qəsəbəsində yol-nəqliyyat hadisəsi qeydə alınıb.

Avtosfer.az oxu.az-a istinadən xəbər verir ki, gecə saatlarında "Volkswagen Touareg" markalı minik avtomobili ilə teplovoz toqquşub.

Xəsarət alanların olub-olmaması barədə hələ ki məlumat yoxdur.