Qatarların toqquşması nəticəsində 40 nəfər ölüb, 100-ə yaxın insan yaralanıb - VİDEO

İranda iki sərnişin qatarının toqquşması nəticəsində ölənlərin sayı 40-a çatıb. “Report” “PressTV”yə istinadən xəbər verir ki, bunu İran Qızıl Aypara Cəmiyyətinin sözçüsü Mustafa Mürtəzəvi bildirib. Onun sözlərinə görə, qəza nəticəsində yaralananların sayı 100-ə yaxındır.  Semnan əyalətinin qubernatoru Məhəmmdrza Abbas qəzaya uğramış qatarlardan 31 meyitin çıxarıldığını deyib.

*** 14:30

İranda iki sərnişin qatarının toqquşması nəticəsində ölənlərin sayı 15-ə çatıb. Bunu İran Qızıl Aypara Cəmiyyətinin sözçüsü Mustafa Mürtəzəvi bildirib. Onun sözlərinə görə, qəza nəticəsində 72 nəfər yaralanıb.

*** 12:58

İranın şimalında iki sərnişin qatarının toqquşması nəticəsində 5 nəfər ölüb, 11 nəfər yaralanıb. Bunu ölkənin Qızıl Aypara Cəmiyyətinin nümayəndəsi Mustafa Mürəzəvi bildirib. İnformasiyaya görə, hadisə İranın şimalında yerləşən Siman əyalətinin Şahrud şəhərinin Xaf-xan stansiyası yaxınlığında baş verib. Həmin bölgəyə çoxlu qar yağdığından yollar bağlanıb və hadisə yerinə xilasedciilərin yetişməsində problemlər yaranıb. Ölən və yaralananların sayının artacağı istisna edilmir.