Qaxda 76 yaşlı piyadanı maşın vurub öldürdü

Qax rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın “Report”a istinadən məlumatına görə, qəza şəhərin Heydər Əliyev prospektində qeydə alınıb. Belə ki, VAZ markalı avtomobil yolu keçmək istəyən 1941-ci il təvəllüdlü Kamil Əfəndi oğlu Xəlilovu vurub. Yaralı dərhal Qax Rayon Mərkəzi Xəstəxanasının Cərrahiyyə şöbəsinə yerləşdirilib. Kamil Xəlilov həkimlərin səyinə baxmayaraq, xəstəxanada dünyasını dəyişib.  

Faktla bağlı araşdırma aparılır.