Qaxda ağır yol qəzası - 2 ölü, 1 yaralı

Qax rayonunda ağır yol qəzası baş verib. Avtosfer.az Daxili İşlər Nazirliyinin saytına istinadən xəbər verir ki, mayın 16-da saat 21 radələrində Qax şəhərində şəhər sakini Ümid Muradovun idarə etdiyi "Ekskovator YMZ" markalı traktorla Şəki rayon sakini Firuddin Təhməzovun idarə etdiyi "VAZ-21214" markalı avtomobil toqquşub. Nəticədə F.Təhməzovun sərnişinləri, İlisu kənd sakinləri Səlihə Muradova və Xanpəri Muradova hadisə yerində ölüb, özü isə xəstəxanaya yerləşdirilib.

Faktla bağlı araşdırma aparıllır.