Qayda pozan sürücü qəza törədib qaçdı – Polis onu axtarır - VİDEO

Sağını gözləməyən avtomobil sürücüsü qəza törədib. Avtosfer.az xəbər verir ki, Türkiyənin Tekirdağ bölgəsində baş verən hadisə kameraya düşüb. Belə ki, Çorlu şəhər sakini Devran K.-nın idarə etdiyi “Renault” markalı avtomobillə hərəkətdə olan zaman sağını gözləməyərək yol kəsişməsinə daxil olub və sağ yoldan gələn Umut D.-nin idarə etdiyi motosikletlə toqquşub. Zərbənin təsirindən motosikletli avtomobilin üzərindən uçaraq asfalta çırpılıb. Qəzadan sonra avtomobildən enən sürücü və sərnişini yerdə yaralı vəziyyətdə qalan motosikletçiyə baxdıqdan sonra hadisə yerini tərk ediblər. Ətrafdakı digər vətəndaşların çağırışı ilə hadisə yerinə təcili tibbi yardım gəlib. Yaralıya ilkin tibbi yardım göstərildikdən sonra xəstəxanaya aparılıb. Polis qaçan sürücünün yaxalanması istiqamətində əməliyyat-axtarış təbirləri həyata keçirir.

Sözügedən hadisənin anbaan videosunu təqdim edirik:

Namiq Musayev