Qayda pozduğundan xəbəri olmayan sürücü qəza törətdi - VİDEO

Sabunçu rayonu ərazisində baş verən yol-nəqliyyat hadisəsinin videosu anbaan avtomobildəki kameraya qeyd olunub. Avtosfer.az xəbər verir ki, hadisə fevralın 7-də, saat 22:34 radələrində Zabrat-Maştağa yolunda baş verib. Belə ki, avtobus zolağının qüvvədən düşdüyü saatda "Opel" markalı avtomobilin sürücüsü yolun sağ zolağı ilə hərəkət edib. Bu zaman orta zolaqda olan "Toyota Prius" markalı avtomobilin sürücüsü qəfildən sağa manevr edərək qəzaya səbəb olub.

Burada günahın kimdə olması videoya aydın şəkildə əks olunub. Qeyd olunan saatda avtobus zolağı qüvvədən düşdüyü üçün sağa dönən sürücü qanunvericiliyin tələbinə uyğun şəkildə manevr etməli idi. Yəni, sağa dönən sürücü ən sağ zolaqdan manevr etməlidir. Bu qayda "Toyota" markalı avtomobilin sürücüsü tərəfindən pozulduğu üçün günahkar hesab edilir.

Könül Rauf